Татар дөньясы 22 февраль 2005 14:44

Кыргызстан парламентына депутатлыкка кандидатлар арасында милләттәшебез дә бар

Скопировать ссылку

(Бишкәк, 22 февраль, “Татар-информ”, Илдар Сәмигуллин). Кыргызстанның 27 февральдә үтәчәк бер палаталы парламентына сайлауларда депутатлыкка дәгъва итүче кандидатлар исемлегендә Кыргызстан татар диаспорасыннан “Баластан XXI» балалар иҗтимагый фонды директоры Илһам Үтәгәнов та бар.

Әгәр депутатлыкка үтә калса, Илһам әфәнде республика халыкларының бердәмлеген ныгытуга, балаларны әхлакый яктан югары сыйфатлы итеп тәрбияләүдә, яшьләрнең белем дәрәҗәсен үстерүдә, халыкның матди яктан тиешенчә тәэмин ителмәгән катламына социаль яклау чараларын күрүдә һәм торак төзелешен ипотека ярдәмендә финанслауда тырышлык күрсәтергә ышандыра. Кырык бер яшьлек ватандашыбызның тормыш девизы булып “Кыргызстанның киләчәге – балалар һәм яшьләр кулында!” шигаре тора.

Бәйсез күзәтүчеләр, И.Үтәгәновның парламентка үтүе проблемалы булачак, диләр. Аның төп сәбәбе – финанс ресурсларының кирәкле күләмдә булмавы.

Сәхифәләр

Кыргызстан парламентына депутатлыкка кандидатлар арасында милләттәшебез дә бар