Җәмгыять 7 февраль 2005 12:43

Кыргызстан халыклары корылтае үтте

Скопировать ссылку

(Бишкәк, 7 февраль, “Татар-информ”, Илдар Сәмигуллин). Бишкәктә үткән Кыргызстан халыклары корылтае эшендә республиканың татар диаспорасы делегациясе дә актив катнашты.

Корылтай делегатлары Кыргызстанның дәүләт сәркатибе О.Ибраимов һәм Премьер-министр Н.Танаевның 2004 елда башкарылган эшләр турында хисап докладларын тыңлады. Ә Президент А.Акаевның чыгышында дәүләтнең сәяси, икътисади һәм социаль үсешен тәэмин итүче юллар билгеләнде. Аныңча, Кыргызстан шартларында алдагы Президент яки парламент сайлаулары вакытында, йә булмаса җирле муниципаль органнарга сайлауларда ниндидер “ал”, “бәрхет” һ.б. революцион чыгышлар мөмкин булмаячак. Сайлаулар үтә күренмәле, демократия шартларында һәм намуслы төстә үтәргә тиеш.

Корылтай утырышында республиканың җиде өлкәсеннән, башкаланың үзеннән һәм Кыргызстан халыклары ассамблеясеннән 800гә якын делегат катнашты.

Сәхифәләр

Кыргызстан халыклары корылтае үтте