Җәмгыять 24 ноябрь 2017 19:12

Курорт шәһәрләре ассоциациясе аз керемле россиялеләр өчен савыктыру программасын эшли

Сочи шифаханәләре сезон арасында “Ачык Көньяк” программасы буенча тәүлегенә 1400 сум түләп дәвалану курсы узарга тәкъдим итә.

Скопировать ссылку

(Казан, 24 ноябрь, «Татар-информ»). Курорт һәм туристлык шәһәрләре ассоциациясе россиялеләрне савыктыруга юнәлдерелгән илкүләм социаль проект эшләргә әзер. Бу хакта Сочи башлыгы Анатолий Пахомов SIFT Халыкара туристлык форумы кысаларында хәбәр итте, дип яза ТАСС.

Курорт һәм туристлык шәһәрләре ассоциациясе 2016 елда оештырылган, анда Краснодар краеның, Кырым ярымутравының 11 курорт территориясе һәм Алтайның Белокуриха курорты кергән.

“Федераль дәрәҗәдәге яңа программаның нигезе 10 ел элек Сочида гамәлгә куелган “Ачык Көньяк” сезон программасы булырга мөмкин. Октябрьдән апрельгә кадәр эш бирүчеләр үз хезмәткәрләрен бушлай яки чыгымнарын өлешчә компенсацияләп дәвалауга җибәрә алсын өчен, без бу тәҗрибәне башка курортларга таратырга тәкъдим итәбез”, - диде Пахомов.

#аз керемле гаиләләр #Сочи

Сәхифәләр

Курорт шәһәрләре ассоциациясе аз керемле россиялеләр өчен савыктыру программасын эшли