Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Курган өлкәсендә "Урал ягы татар моңнары" балалар иҗаты фестивале узды
Анда Әлмән һәм Сафкүл районнарыннан, Шадрин районының Өчкүл, Йолдыз һәм Байрак татар авылларыннан яшь талантлар катнашкан.
(Казан, 18 ноябрь, "Татар-информ"). Курган өлкәсенең Шадрин шәһәрендә “Урал ягы татар моңнары” беренче төбәк балалар фестиваль-бәйгесе узды, дип хәбәр итә өлкәнең "Новый мир" газетасы.
Анда Әлмән һәм Сафкүл районнарыннан, Шадрин районының Өчкүл, Йолдыз һәм Байрак татар авылларыннан балалар, шулай ук Шадрин шәһәрендә “Дуслык” татар-башкорт милли-мәдәни үзәгендә шөгыльләнүче яшь талантлар катнашкан.
Фестивальне “Дуслык” үзәге директоры, үзе дә моңлы итеп җырлаучы Инга Агишева һәм әлеге үзәкнең совет рәисе, музыкант, рәссам Камил Әхәтов оештырган.
“Октябрь” комплексы сәхнәсендә татар милли җырларын яңгыратып, биюләр башкарып, театраль күренешләр тәкъдим ителгәндә, шулай ук милли декоратив-гамәли сәнгать иҗаты күргәзмәсе дә үткәрелгән. Бәйрәм финалында фестивальдә катнашучы балалар төрле номинацияләрдә бүләкләнгән.
Кызыклы яңалыкларны күзәтеп бару өчен Телеграм-каналга язылыгыз