Күренекле хирург-онколог Евгений Сигал вафат
Скопировать ссылку
Казанның күренекле хирург-онкологы Евгений Сигал 75 яшендә вафат булган. Бу хакта Татарстан Сәламәтлек саклау министрлыгы хәбәр итә.
«Тирән кайгы белән хәбәр итәбез, Евгений Иосифович Сигал — күренекле хирург, галим, педагог, Россия эндохирургиясенә нигез салучыларның берсе», — диелә хәбәрдә.
Евгений Сигал Россиядә беренче булып берничә катлаулы торакоскопик операция башкарган, клиник практикага аз инвазив технологияләрне актив керткән, заманча торакаль онкохирургияне үстергән һәм Татарстаннан читтә дә билгеле булган хирургия мәктәбен формалаштырган кеше.