news_header_top_970_100
news_header_bot_970_100

Курайны Башкортстан бренды итеп теркәделәр

Башкортстан курайның барлыкка килгән урыны дип табылган.

(Казан, 2 март, «Татар-информ»). Кичә, 1 мартта, курайны Башкортстанның территориаль бренды сыйфатында теркәделәр. Башкортстан мәдәният министры Әминә Шәфыйкова «Башинформ» агентлыгына Федераль интеллектуаль милек хезмәте патентын алулары хакында хәбәр иткән.

«Мондый башлангыч белән мәшһүр курайчы, педагог һәм җәмәгать эшлеклесе, Курайчылар берлегенең ул чагындагы рәисе Азат Айткулов чыккан иде. 2014 елдан башлап, республика Мәдәният министрлыгы тарафыннан әлеге юнәлештә зур эш башкарылды. Башкортстан республика символына әверелгән милли уен коралының барлыкка килгән урыны, дип табылды. Аерым алганда, патентта Уфа һәм Күмертау шәһәрләре телгә алына. Анда бөтен документларны әзерләгән Республика халык иҗаты үзәгенең филиалы урнашкан. Курайның бездә барлыкка килүен раслый торган бик күп архив материаллары җыелды», - дип сөйләгән министр.
 

news_right_column_1_240_400
news_right_column_2_240_400
Медиаметрикс
news_bot_970_100