news_header_top_970_100
news_header_bot_970_100

Купе һәм СВ вагоннарга билет бәясе 50 процентка төште

Ташлама киләсе елның 31 мартына кадәр гамәлдә булачак

(Казан, 2 декабрь, “Татар-информ”). Ерак араларга йөрүче поезд пассажирларына купе һәм СВ вагоннарда бару 1 декабрьдән ярты бәясенә төшәчәк. Горький тимер юлының җәмәгатьчелек белән элемтәләр хезмәтеннән алынган хәбәрләргә караганда, әлеге төр вагоннарга билет бәясе 50 процентка төшә. 50 процентлык ташлама ике очракка бүлеп карала. Барлык категория поезларда аннан купедагы югары урыннарга билет алучылар файдаланачак. Ә бәйрәм алды, бәйрәм көннәренә өстәмә билгеләнә торган поездларда бу ташлама купе һәм СВ вагоннардагы барлык урыннарга да кагыла. Бу өстенлектән киләсе елның 31 мартына кадәр файдаланып булачак.

Шулай итеп, ташламаны исәпкә алганда, купе вагонда бару бәясе плацкартта баруга, ә СВ бәясе-купеда бару бәясенә якынлашачак. Мәсәлән, 50 нче Мәскәү-Казан поездында купеның өске катындагы урында бару пассажирга нибары 828 сумга төшәчәк (ташламасыз-1575 сум). Ташламалы билетларны тимер юл кассаларында да, Интернет аша да алырга була.



news_right_column_1_240_400
news_right_column_2_240_400
news_bot_970_100