Җәмгыять 30 апрель 2024 15:12

Күп балалы гаиләләр Россия кунакханәләре һәм тау курортларында ял итүгә ташламалар алачак

Скопировать ссылку

Россиядә Президент Владимир Путин игълан иткән Гаилә елында күп балалы гаиләләр илнең кунакханәләрендә һәм тау курортларында ял итүгә ташламалар ала алачак. Бу хакта Министрлар Кабинетының телеграм-каналында хәбәр ителә.

«Президент ярдәмендә 2021 елда «Туризм һәм кунакчыллык индустриясе» илкүләм проекты эшли башлады, аның кысаларында төрле курортлар һәм ял форматы өчен инфраструктура булдырыла, — диде вице-премьер Дмитрий Чернышенко. — Икътисади үсеш министрлыгы тәкъдим иткән ташламалар һәм тәкъдимнәр - бөтен гаилә белән безнең үзенчәлекле, матур ил буйлап сәяхәт итә башлау өчен тагын бер сәбәп. Без шулай ук туристлык бизнесы вәкилләрен инициативага кушылырга һәм кунакханәләрдә һәм курортларда акцияләр программасын кертергә чакырабыз».

Инициативага Россиянең 30га якын төбәгеннән, шул исәптән Татарстаннан да, кунакханәләр һәм шифаханәләр кушылды.

Тау чаңгысы комплексларында күп балалы гаиләләр һәм балалы гаиләләр йөрү билетларына, ски-пассларга, җиһазлар прокатына һәм яшәү урынына ташламалар алачак.

«Архыз» курорты парлар өчен махсус тәкъдим әзерләгән - аларга 2,5 мең метр биеклектә никахлашырга тәкъдим итәләр. Бушлай хезмәт биек тау мәйданчыгында бәйрәм бизәлешен үз эченә ала, никах, фото һәм видео, канат юлларында күтәрелү һәм курорттан истәлекле бүләкләр булачак.

Тәкъдимнәр исемлеге белән тулырак Russia.Travel илкүләм туристик порталында танышырга мөмкин.

Сәхифәләр

Күп балалы гаиләләр Россия кунакханәләре һәм тау курортларында ял итүгә ташламалар алачак