Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кул көрәшенә балаларны 12 яшьтән алырга рөхсәт ителә – тренер Айрат Кыямов
Теләчедә 25 ел эчендә спортчылар армрестлинг (кул көрәше) буенча 60 тапкыр Татарстан чемпионы исемен яулаган.
(Казан, 17 сентябрь, "Татар-информ", Фәрит Салихов). Кул көрәшенә балаларны 12 яшьтән алырга рөхсәт ителә. Ләкин имгәнүләрне чикләп узу өчен сак эш итәргә кирәк, дип җиткерде "Татар-информ" хәбәрчесенә Теләче районы Балалар һәм үсмерләр спорт мәктәбе тренеры Айрат Кыямов. Теләчедә кул көрәше буенча 25 ел эчендә аның кул астында шөгыльләнгән спортчылар армрестлинг (кул көрәше) буенча 60 тапкыр Татарстан чемпионы исемен яулаган.
"Көчле булып туу гына аз, көчне үстерергә дә кирәк" – студент вакытта укытучыларының берсеннән отып калган әлеге фикерне Айрат Кыямов, "алтын сүзләр", дип саный. Кул көрәшендә дә шулай, ди ул.
"Авыл балалары белән эшләү күпкә яхшы. Тирес түккән, бакча казыган балаларның беләгендә инде көч бар, алар түшәмгә төкереп кенә ятмаган. Шул ук вакытта көч белән генә кул көрәшендә уңышка ирешеп булмый. Техник яктан осталык булдыру өстендә эшләргә кирәк", – ди Айрат Кыямов.
Кул көрәштерүнең имгәнүләргә китерү ихтималы турында сөйләгәндә ул, күнекмәләрсез генә көндәшеңнең кулына барып ябышмаска киңәш итте. Тагын бер факт: кул язын – организмга витамин һәм кальций җитмәгән һәм, әлбәттә инде, техникасын белмичә көч сынаштырган вакытта имгәнә, ди.
"Кызларның кул көрәштерүенә тискәре караучылар да бар. Алар "качок"ка әйләнә, имеш. Минем кызларга карагыз – берсе дә тупас түгел, барысы да чибәрләр. Тренер аларның үсешен төрле яклап күзәтергә тиеш. Без кул көчен арттыру гына түгел, ә аларның буй-сыны матурлыгын саклап калу өстендә дә эшлибез", – ди тәҗрибәле остаз.
Теләчедә кул көрәштерүчеләрне ничек әзерләүләре турында intertat.ru электрон газетасыннан укый аласыз.
Кызыклы яңалыкларны күзәтеп бару өчен Телеграм-каналга язылыгыз