Җәмгыять 2 декабрь 2009 16:29

Кул хәрәкәтләре ярдәмендә-лекция

ТР Дәүләт алкоголь инспекциясе белгечләре ишетмәүче һәм күрмәүчеләр өчен кулланучы хокукларын яклау турында лекция укыды

Скопировать ссылку

(Казан, 2 декабрь, “Татар-информ”). ТР Дәүләт алкоголь инспекциясе белгече Ольга Мансурова ишетмәүче һәм күрмәүчеләр өчен кулланучы хокукларын яклау турында лекция укыды. Аудитория аны сурдотәрҗемәчеләр ярдәмендә тыңлады, дип хәбәр итә ведомствоның матбугат хезмәте.

Кулланучылар белән очрашу ТИСБИ каршында эшләүче Сурдотәрҗемәчеләр үзәгендә узган. Мондый аудитория белән инспекция белгечләренең бу тәүге очрашуы түгел. Физик мөмкинлекләре чикләнгән кешеләргә, кулланучы буларак, үз хокукларын яклау икеләтә читен. Шуны күздә тотып, инспекция белгечләре алар өчен айга бер тапкыр куллану базарында килеп туган проблемалар буенча фикер алышулар оештыра. Яңа узган очрашуда иң күп сораулар товарны кире кайтару, ремонтлау һәм яңага алмаштыру тәртибе буенча бирелгән. Шулай ук торак-коммуналь хуҗалыгы, көнкүреш хезмәтләре күрсәтүгә кагылышлы шактый сораулар алынган.

Сәхифәләр

Кул хәрәкәтләре ярдәмендә-лекция