Кукмараның өч гаиләсе алтын юбилейларын билгеләп үтте
Скопировать ссылку
Кукмараның ЗАГС бүлекчәсендә бик матур чара оештырылды. Зур Кукмарада яшәүче өч парның 50 ел бергә гомер итүләре тантаналы төстә котлап үтелде. Алар — Нурзия һәм Габделхак Хөсәеновлар, Гөлчирә һәм Мансур Минһаҗевлар, Сания һәм Наил Сәйфетдиновлар. Бу хакта «Хезмәт даны» хәбәр итә.
Алтын туйларына кадәр бергәләп килеп җиткән парларны ихластан район Башкарма комитеты җитәкчесенең социаль мәсьәләләр буенча урынбасары Айгөл Әхмәтшина, Зур Кукмара авыл җирлеге башлыгы Ришат Хәнәфиев, ЗАГС бүлеге җитәкчесе Зөлфия Латыйпова котлады һәм истәлек бүләкләре тапшырды.