Кукмараның Кәркәүч авылында рәссам Мөнип Фатыйховның шәхси күргәзмәсе ачылды
Скопировать ссылку
Кукмараның Кәркәүч мәдәният йортында рәссам Мөнип Фатыйховның «Тормыш бизәкләре» дип исемләнгән шәхси күргәзмәсе оештырылды. Бу хакта «Хезмәт даны» сайты Әлфия Газизуллинага сылтама белән хәбәр итте.
Рәссамны хөрмәт итеп килгән авылдашлары җылы сүзләр җиткерде. Ерак араларны якын итеп Төркиядән кайткан күренекле рәссам Мәхмүт Исмәгыйлев, Казаннан Мөдәрис Мөхетдинов, Нәкыйп Исмәгыйлев чыгыш ясады. Чара изге теләкләр, җыр-биюләр белән үрелеп барды, чәй табыны артында дәвам итте.