news_header_top_970_100
16+
news_header_bot_970_100

Кукмараның дүрт гаиләсе юбилейларын билгеләп үтте

Кукмараның дүрт гаиләсе юбилейларын билгеләп үтте
Фото: Ризилә Корбанова/«Кукмор-информ»

Кукмараның ЗАГС бүлекчәсендә бик матур, тантаналы чара булды. Анда зөбәрҗәт туйларын билгеләп үтүче София һәм Салават Халиковлар, алтын туй ияләре Раузалия һәм Илсур Гариповлар, Лидия һәм Реваль Сираҗиевлар, Гөлзия һәм Минсабит Мингалиевлар чакырылган иде. Бу хакта «Хезмәт даны» сайтында Ризилә Корбанова яза.

Күркәм гаиләләрне район башлыгы урынбасары Резеда Гаянова да тәбрикләп, изге теләкләрен җиткерде, район башлыгының Рәхмәт хатларын, истәлек бүләкләре тапшырды.

«Сез — барыгыз да үз гаиләгезнең геройлары. Чөнки тормышта төрле хәлләр булгандыр, тәлинкә дә шалтырамый гына тормагандыр. Әмма сез гаиләгезне саклап калгансыз, менә дигән балалар үстергәнсез, хәзер оныклар тәрбияләргә булышасыз. Сез бик бәхетле. Сезгә алга таба да сәламәтлек, матур, тыныч тормыш телим. Киләчәктә дә зур-зур юбилейларны билгеләп үтәргә язсын», — диде ул.

autoscroll_news_right_240_400_1
autoscroll_news_right_240_400_2
news_bot_970_100