Кукмараның Үзәк мәйданында Яңа ел бәйрәме үткәрелде
Кукмаралыларны район башлыгы Сергей Димитриев тәбрикләде
(Кукмара, 1 гыйнвар, "Татар-информ", "Хезмәт даны"). Кичә Үзәк мәйданда Яңа елны каршы алу бәйрәме үткәрелде, дип яза kukmor-rt.ru сайты.
Кукмаралыларны һәм шәһәр кунакларын район башлыгы Сергей Димитриев тәбрикләде.
"Үткән ел безнең район өчен бик уңышлы һәм төрле вакыйгаларга бай булды. Без күп кенә республика, федераль программаларда катнаштык. Алар хисабына яңа юллар салынды, парк, скверлар төзелде, социаль учрежденияләр ачылды. Без 2018 елны республика буенча төрле өлкәләрдә югары күрсәткечләр белән төгәллибез. Бу җиңүләр барысы да район халкының тырышлыгы белән ирешелде. Шул уңайдан уртак хезмәтебез өчен барыгызга да рәхмәт сүзләремне белдерәсем киләм. Яңа 2019 ел белән тәбрик итәм", - диде Сергей Димитриев.
Аннан соң матур салют күк йөзен яктырты. Бәйрәм дискотека белән төгәлләнде.