Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кукмараның ЮХИДИ хезмәткәрләре машина йөртүче гүзәл затларга чәчәкләр бүләк итте
Әлеге акция Халыкара хатын-кызлар көне уңаеннан оештырылган иде.
(Кукмара, 7 март, "Татар-информ", "Хезмәт даны"). Якынлашып килүче бәйрәм уңаеннан Кукмара районының ЮХИДИ хезмәткәрләре гүзәл затларны Халыкара хатын-кызлар көне белән котладылар һәм, әлбәттә, чәчәкләр бүләк иттеләр, дип яза kukmor-rt.ru сайты.
Бәхет- шатлык, сәламәтлек теләп, юлларда йөргәндә игътибарлы һәм сак булуларын, кагыйдәләрне төгәл үтәүләрен сорадылар. Шулай ук кечкенә балаларны махсус урындыкларда йөртергә кирәклеген тагын бер тапкыр искәрттеләр.
-Мондый акцияләр үткәрү матур традициягә әйләнеп бара, - диде район ЮХИДИ бүлеге җитәкчесе Фирдүс Фәхретдинов. - Хатын-кызларны котлау, аларга хөрмәт күрсәтү безгә дә бик күңелле. Гүзәл затларга юл йөрү кагыйдәләрен искә төшерү өчен бу бер сәбәп тә булып тора.
Руль артындагы гүзәл затлар инспекторларга рәхмәт сүзләрен җиткерделәр һәм машина йөртүче ир-атлар өчен үрнәк булырга ышандырдылар.
Кызыклы яңалыкларны күзәтеп бару өчен Телеграм-каналга язылыгыз