Кукмараның Сәрдекбаш мәктәбе каршында кардан әкияти дөнья хасил булган
Кар шәһәрчеге бербөтен ансамбль булып, балаларны гына түгел, олыларны да үзенә матурлыгы, җетелеге белән җәлеп итә.
Скопировать ссылку
(Кукмара, 17 декабрь, “Татар-информ”, “Хезмәт даны”). Татарстанның Кукмара районы Сәрдекбаш авылы мәктәбе каршындагы кар шәһәрчеге оста куллы Зөлфия Шакирова ясаган сыннар белән сокландырып, үткән-сүткәннәрнең карашын тотып тора. Районның “Хезмәт даны” басмасына газета укучы Заһид Мөхәммәдҗанов аларны сурәткә төшереп, редакциягә юллаган.
Бәйрәмчә бизәлгән чыршы, Кыш бабай, Кар кызы, җәнлекләрдән торган кар сыннар бербөтен ансамбль булып, балаларны гына түгел, олыларны да үзенә матурлыгы, җетелеге белән үзенә җәлеп итә.
