Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кукмараның "Ромашка" балалар бакчасы "Иң яхшы билингваль балалар бакчасы" дип танылды
Конкурста җиңү яулаган бакча 500 мең сумлык сертификат белән бүләкләнде.
(Кукмара, 25 апрель, "Татар-информ", "Хезмәт даны"). Татарстанның ике дәүләт теле – татар һәм рус телләрен өйрәтүдә югары күрсәткечләргә ирешүче балалар бакчаларын ачыклау максатында, республикада "Иң яхшы билингваль балалар бакчасы" конкурсы узды. Анда кукмаралылар да катнашты, дип хәбәр итә kukmor-rt.ru сайты.
Конкурс комиссиясе вәкилләре, Кукмарага килеп, сабыйларның татар һәм рус телләрен белү дәрәҗәсен, тәрбиячеләрнең эшчәнлек системасын урыннарда билгеләделәр. Шушы көннәрдә Бөтенроссия туган тел форумы кысаларында Казанның "Баскет-холл" спорт комплексында бәйгегә нәтиҗә ясалды. Кукмараның "Ромашка" балалар бакчасы (мөдир Гөлназ Зыятдинова, өлкән тәрбияче Гөлназ Нәҗипова), җиңүчеләр исемлегенә кереп, җиңүче дипломы, "Иң яхшы билингваль балалар бакчасы" гранты – 500 мең сумлык сертификат белән бүләкләнде.
Кызыклы яңалыкларны күзәтеп бару өчен Телеграм-каналга язылыгыз