news_header_top
16+
news_header_bot
news_top

Кукмараның Мәчкәрә коррекция-интернат мәктәбе үзенең 60 еллыгын бәйрәм итте

Мәктәп директоры һәм башка хезмәткәрләр бүләкләнде.

Кукмараның Мәчкәрә коррекция-интернат мәктәбе үзенең 60 еллыгын бәйрәм итте
kukmor-rt.ru

(Кукмара, 28 декабрь, «Татар-информ», «Хезмәт даны»). Кукмараның Мәчкәрә коррекция-интернат мәктәбе үзенең 60 еллык күркәм юбилеен билгеләп үтте. Бәйрәм котлаулар, тәбрикләүләр, истәлекләрне барлау белән үрелеп барды. Бу турыда район басмасы хәбәр итә.

Чарада район башлыгы Сергей Димитриев, аның урынбасары Равия Каримуллина, район прокуроры Ришат Шакиров, мәгариф идарәсе җитәкчесе Роберт Мансуров, ветераннар һәм башка кунаклар катнашты.

"Сезнең мәктәп бик күпләргә үрнәк итеп куярлык. Коллектив та тырыш, хезмәт сөючән. Балаларга тиешле белем-тәрбия бирәсез, һөнәргә өйрәтәсез. Барысы өчен рәхмәт. Алга таба да уңышлар телим", — диде район башлыгы Сергей Димитриев һәм бүләкләрен тапшырды.

Мәчкәрә коррекция-интернат мәктәбе директоры Шәүкәт Сабитовка «Кукмара муниципаль районы алдындагы казанышлары өчен» медале тапшырылды. Коллектив һәм бер төркем мәктәп хезмәткәрләре: Вәсилә Хәсәнҗанова, Рамилә Хөснетдинова, Айсылу Билалова, Фәнзилә Кадыйрова, Нуршат Баязитов, Кәүсәрия Шиһаповалар район башлыгының Мактау грамоталары белән бүләкләнделәр.

Рамилә Баязитова Россия Федерациясенең «Мәгариф өлкәсендәге казанышлары һәм фидакарь хезмәте өчен» Мактау грамотасына, Зөһрә Кадыйрова, Гөлфия Шакировалар исә Татарстан Республикасы Мәгариф һәм фән министрлыгының «Мәгарифтәге казанышлары өчен» күкрәк билгесенә, Лилия Галимҗанова, Минненур Гыймадиева, Нурания Габитова, Раушания Вәлиуллиналар район мәгариф идарәсенең Мактау грамоталарына ия булды.

news_right_1
news_right_2
news_bot