Җәмгыять 23 октябрь 2018 23:00

Кукмараның Иске Юмья авылында юл ачылды

1,5 чакрым юл төзелеше 9 миллион сумнан артык акча тотылган.

Скопировать ссылку

(Кукмара, 23 октябрь, "Татар-информ", "Хезмәт даны", Ризилә Корбанова). Бүген Иске Юмья авылында истәлекле вакыйга - юл ачу тантанасы булды. Муниципаль юл фонды буенча авылның Үзәк урамына вак таш түшәлде, дип яза kukmor-rt.ru сайты.

Юлның озынлыгы 1,5 чакрымны тәшкил итә. Юл төзелеше өчен 9 миллион сум акча сарыф ителгән. Әлеге эшне "Татафтодор" җәмгыятенең "Кукмара" юл-төзелеш ремонт участогы башкарган.

"Без бу юлны түземсезлек белән көттек, чөнки аңа кадәр Үзәк урамыбыз бик начар иде, пычрак ерып йөрергә туры килде. Таш юл авыл башыннан алып, клуб янына хәтлек дәвам итә. Шулай ук ике җиргә торбалар да салынды. Билгеле, бу кадәр зур күләмле эшне үзара салым акчасына гына башкарып чыгып булмас иде. Безне юллы иткән өчен район җитәкчелегенә, юл-төзелеш оешмасы хезмәткәрләренә бик зур рәхмәт", - диде Оштырма Юмья авыл җирлеге башлыгы Анатолий Рамазанов.

#Кукмара #Хезмәт даны

Сәхифәләр

Кукмараның Иске Юмья авылында юл ачылды