Җәмгыять 22 март 2017 22:00

Кукмаралылар танылган бакчачы Фарсель Зыятдинов белән очрашты

Башкала кунагына һәркем үзен кызыксындырган сорауларны бирде

Скопировать ссылку

(Кукмара, 22 март, "Татар-информ", "Хезмәт даны"). Кукмара район үзәк китапханәсенә галим, танылган бакчачы Фарсель Зыятдинов килде, дип яза kukmor-rt.ru сайты.

Бакча эшләрен, җиләк-җимеш үстерергә яратучы кукмаралылар Фарсель абый белән очрашуга бик теләп килгәннәр иде. Башкала кунагына һәркем үзен кызыксындырган сорауларны бирде. Берәүләр виноград үстерү тәртибе белән кызыксынды, икенчеләр кишерләрнең тармакланып үсүенә, бәрәңгеләрдә таплар, тирән тишемнәр булуга үзенең борчылуын белдерде. Шулай ук очрашуда җирне ашлау, алмагачларга су сибү тәртибе, теләдән котылу, май коңгызына, бәрәңге кортына каршы көрәш ысуллары турында да сөйләшенде. Ике сәгатьтән артык барган очрашудан һәркем үзенә кирәкле мәгълүматлар алып таралышты, диелә район хәбәрендә.

#Кукмара #Хезмәт даны

Сәхифәләр

Кукмаралылар танылган бакчачы Фарсель Зыятдинов белән очрашты