Кукмаралылар Нократ Аланыннан лауреат исеме алып кайттылар
Кукмараны балалар музыка мәктәбенең Марат Хасанов җитәкчелегендәге тынлы оркестр тәкъдим итте.
(Кукмара, 30 ноябрь, "Татар-информ", "Хезмәт даны"). Нократ Аланында тынлы һәм эстрада оркестрларының "Өрәңге яфрагы" ("Кленовый лист") дип аталган IV төбәкара фестиваль-конкурсы үтте. Әлеге чарада Казан, Кирово-Чепецк, Киров, Ижевск, Оричи, Нократ Аланы, Кукмара һәм Удмуртиянең Дебесы авылыннан коллективлар катнашты, дип яза kukmor-rt.ru сайты.
Кукмараны балалар музыка мәктәбенең Марат Хасанов җитәкчелегендәге тынлы оркестр тәкъдим итте. Алар "Тынлы оркестр" номинациясендә III дәрәҗә лауреат исеме алдылар.