Хәвеф-хәтәр 15 гыйнвар 2019 06:00

Кукмаралы "табылган" документлар өчен мошенникларның картасына акча күчергән

Ул социаль челтәрдә документлары югалу турында игълан урнаштырган булган.

Скопировать ссылку

(Кукмара, 15 гыйнвар, "Татар-информ", "Хезмәт даны"). Район эчке эшләр бүлегенең дежур частена кукмаралы мөрәҗәгать итеп, билгесез кешеләргә 5 мең сум күләмендә акча күчерүе турында хәбәр иткән, дип яза kukmor-rt.ru сайты.

Ачыкланганча, ул социаль челтәрдә документлары югалу турында игълан урнаштырган булган. Көннәрнең берсендә аның кесә телефонына билгесез кеше шалтыратып, документларын табуы турында җиткергән. Ә документларны кайтарган һәм китереп биргән өчен 5 мең сум күләмендә акча сораган. Зыян күрүче банкомат аша әйтелгән сумманы күчергән, әмма аңа документларын кайтармаганнар.

Әлеге факт буенча җинаять эше кузгатылган.

#Кукмара #Хезмәт даны

Сәхифәләр

Кукмаралы "табылган" документлар өчен мошенникларның картасына акча күчергән