Хәвеф-хәтәр 30 ноябрь 2018 05:00

Кукмаралы мошенниклар тозагына эләккән

Полиция хезмәткәрләре интернет челтәре аша акча урлаучыны ачыклау максатында оператив-эзләнү эшләре алып баралар.

Скопировать ссылку

(Кукмара, 30 ноябрь, "Татар-информ", "Хезмәт даны"). Полициянең дежур частена 30 яшьлек хатын-кыз мөрәҗәгать итеп, билгесез кешенең интернат аша ялганлап акчасын урлавы турында хәбәр итә. Зыян күрүче "ВКонтакте" челтәре аша сөйләшеп, кием сатып алырга теләгән була, дип яза kukmor-rt.ru сайты.

Зыян күрүче сатучы җибәргән счетка мобиль банк аша 3450 сум күләмендә акча күчерә. Әмма аңа вәгъдә ителгән товарны җибәрмиләр, акчасын да кире кайтармыйлар. Ә "ВКонтакте" челтәрендә ул сөйләшүләр алып барган бит алга таба ябылган булып чыга.

Хәзерге вакытта әлеге факт буенча җинаять эше ачылган. Полиция хезмәткәрләре интернет аша шәхси кешеләрдән товарлар сатып алган вакытта сак булырга һәм акча күчерергә ашыкмаска чакыра.

#Кукмара #Хезмәт даны

Сәхифәләр

Кукмаралы мошенниклар тозагына эләккән