Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Кукмарадан Шаһиевлар гаиләсе: Гаиләдә бер-береңне гафу итә белү бик мөһим
Кукмара районыннан Шаһиевлар гаиләсе бер-береңне гафу итә белү бик мөһим булуын әйтте. Гаилә кыйммәтләре турында алар ТНВ-Яңа гасыр телеканалында Гаилә елына багышлап уздырылучы телемарафонда сөйләде.
«Авыр хәлләрдә бер-береңә хөрмәт булырга тиеш. Көчле ярату, гафу итә белү бик мөһим. һәркем гаиләле булырга тиеш. Гаилә – тынычлык урыны ул, балалар үстерү өчен гаилә корырга кирәк, ул безнең төп вазифаларның берсе», – ди Шаһиевлар.
Әлеге гаиләдә Сәфинә һәм Солтан исемле балалар үсә. Әтиләре спортка мәхәббәт тәрбияли, әниләре милли ризыклар белән сыйларга ярата. «Әти – терәк, әни ашарга пешерүче, өй эшен әзерләргә булышучы, гаилә учагы», – ди Солтан белән Сәфинә.
«Яңа ел өстәле пилмәнсез булмый. Гадәт буенча килгән инде ул. Шулай ук, кышкы салат, үрдәк яисә каз әзерлибез. Үзебез казылык ясыйбыз, ул безнең өстәлдән өзелми. Казылык милли ризыгыбыз булып тора», – ди Шаһиевлар.
Кызыклы яңалыкларны күзәтеп бару өчен Телеграм-каналга язылыгыз