Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кукмарада юл хәрәкәте яшь инспекторлары көч сынашты
Район мәктәпләреннән барлыгы 22 команда килгән иде.
(Кукмара, 5 апрель, "Татар-информ", "Хезмәт даны"). Манзарас урта мәктәбендә юлларда балалар катнашында килеп чыгучы бәхетсезлек очракларын кисәтү максаты белән "Иминлек тәгәрмәче – 2018" конкурсы үткәрелде, дип яза kukmor-rt.ru сайты.
Бу бәйгедә юл хәрәкәте яшь инспекторлары көч сынашты, район мәктәпләреннән барлыгы 22 команда килгән иде. Укучылар юл йөрү кагыйдәләрен белү, беренче медицина ярдәме күрсәтүдә ярыштылар, каршылыклар аша велосипедта йөрү күнекмәләрен күрсәттеләр. Биремнәр катлаулы иде, тирән белем генә түгел, төгәллекне, тиз фикерләүне таләп итте. Конкурс нәтиҗәләре буенча беренче урынны Манзарас урта мәктәбе командасы яулады. Икенче һәм өченче урыннарда – Зур Сәрдек гимназиясе һәм күппрофильле лицей.
"Юл йөрү кагыйдәләрен иң яхшы белүчеләр" номинациясендә - Сәрдекбаш, "Медицина өлкәсендәге уңышлары өчен" номинациясендә – Кукмара 4нче урта мәктәбе, "Иң яхшы велосипедчылар" номинациясендә - Мәчкәрә, "Иҗади конкурс" номинациясендә Кукмара 3нче урта мәктәбе командалары җиңүчеләр дип табылды.
Кызыклы яңалыкларны күзәтеп бару өчен Телеграм-каналга язылыгыз