Кукмарада уку алдынгыларын хөрмәтләделәр
Кукмара шәһәренең Комсомол мәйданында «Уку алдынгылары» слетында яхшы билгеләргә генә өлгерүче, фән олимпиадаларында, конференцияләрдә, спорт ярышларында, мәдәни чараларда актив катнашкан укучылар, аларның әти-әниләре һәм укытучылары тәбрикләнде. Бу хакта «Хезмәт даны» сайтында Алсу Сәлахетдинова хәбәр итә.
Чарада район Башкарма комитеты җитәкчесе Азат Гарифуллин катнашты, бәйрәмгә җыелучыларга үзенең изге, матур теләкләрен ирештерде.
«Кукмара районының мәгариф системасы республиканың 45 районы арасында беренче унлыкка керә. Ел саен динамика үсештә. Алга таба да шулай булсын. Уңышларда укытучыларның, әти-әниләрнең өлеше зур. Сезнең барыгызга да рәхмәт. Алга таба да уңышлар, тыныч, имин яллар телим», - диде Азат Гарифуллин.