Махсус операциядә катнашучыларга Кукмарада теләктәш итеп акция үткәрделәр
Скопировать ссылку
Кукмара музыка мәктәбенең балалар тынлы оркестры махсус операциядә катнашучы Россия хәрбиләренә теләктәшлек итеп акция үткәрде. Яшь музыкантларның чыгышы шәһәр үзәгендәге Владимир Ленин һәйкәле янында булды.
«Махсус операцияләрдә катнашучы безнең гаскәрләргә рухи теләктәшлек күрсәтергә булдык. Аларның өйләренә һәм гаиләләренә исән-сау әйләнеп кайтуларын телибез», - диде Кукмара музыка мәктәбенең балалар тынлы оркестры җитәкчесе Марат Хәсәнов. Бу турыда «Хезмәт даны» хәбәр итә.
Тынлы оркестр «Прощание славянки» маршын башкарды. Шул вакытта оркестр латинча «Z», аннары «V» хәрефе рәвешендә тезелде. Әлеге символлар Украинадагы хәрәкәтләрдә катнашучы Россия гаскәрләренең техникасына төшерелә.