Кукмарада терроризмга каршы көрәш турында сөйләшү узган
Утырышка авыл җирлеге башлыклары, белем бирү учреждениеләре җитәкчеләре чакырылган.
Скопировать ссылку
(Казан, 10 декабрь, "Татар-информ", "Хезмәт даны"). Кукмара район Советында узган утырышта Яңа ел һәм Раштуа бәйрәмнәрен, укучыларның кышкы каникуллары чорында җәмәгать куркынычсызлыгын тәэмин итү, Лубян, Зур Кукмара, Поч.Кучук авыл җирлекләрендә терроризм һәм экстремизмны кисәтү буенча башкарылган эш нәтиҗәләре һәм башка мәсьәләләр каралды, дип яза kukmor-rt.ru сайты.
Шулай ук комиссия утырышлары карарларының үтәлешен, дини һәм иҗтимагый оешмалар белән хезмәттәшлек советының эшенә анализ ясалды.
