Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кукмарада театр фестивальләре җиңүчеләрен бүләкләү тантанасы узды
«Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында 2026 елның гыйнвар–март айларында «Сәйяр» республика балалар-яшүсмерләр театрлары фестиваленең муниципаль этабы уздырылды. Шулай ук «Тылсым театры – Театр магиясе» һәвәскәр театр коллективларының төбәкара фестиваленә йомгак ясалды, дип хәбәр итә Бөтендөнья татар конгрессы.
«Сәйяр» балалар театрлары фестиваленең муниципаль этабы һәм «Тылсым театры – Театр магиясе» һәвәскәр театр коллективлары төбәкара фестивале җиңүчеләрен бүләкләү тантанасы 2026 нчы елның 27 нче мартында Кукмараның 3 нче мәктәбе базасында узды.
Жюри «Сәйяр» фестивале буенча 39, ә «Тылсым театры – Театр магиясе» фестивале буенча 31 эш карады. Алар югары җаваплылык һәм һөнәри осталык күрсәтеп, һәр эшкә җентекләп бәя бирделәр. Жюри әгъзаларының хезмәте лаеклы җиңүчеләрне һәм призерларны ачыкларга мөмкинлек бирде.
Бүләкләү тантанасында катнашучыларга һәм җиңүчеләргә котлаулар яңгырады. Бу мизгел сәхнәдә үз осталыкларын күрсәткән талантлы балалар һәм яшүсмерләр өчен чын триумф булды.
Мондый чаралар балалар һәм яшьләр арасында театр сәнгатен үстерүдә мөһим роль уйный. Алар яңа талантларны ачуга, мәктәпләр арасында иҗади элемтәләрне ныгытуга, шулай ук үсеп килүче буын арасында театр сәнгатен популярлаштыруга ярдәм итә.
Кызыклы яңалыкларны күзәтеп бару өчен Телеграм-каналга язылыгыз