Кукмарада такси йөртүчеләрне бердәм тикшерү үткәргәннәр
Инспекторлар автомобильләрнең торышын, документларын һәм пассажирларны йөртү кагыйдәләренең үтәлешен тикшерделәр.
Скопировать ссылку
(Кукмара, 22 май, "Татар-информ", "Хезмәт даны"). Кукмарада дәүләт автоинспекциясе хезмәткәрләре такси йөртүчеләрне тикшерү буенча рейд үткәргән. Бу турыда kukmor-rt.ru сайты яза.
Инспекторлар автомобильләрнең торышын, документларын һәм пассажирларны йөртү кагыйдәләренең үтәлешен тикшергән.
Профилактик чара барышында түбәндәге хокук бозулар ачыкланган: юл кәгазеннән башка транспорт чарасы белән идарә итү, рейска чыгар алдыннан медицина тикшерүе узу, автомобильнең техник торышына тикшерү үткәрү турындагы таләпләрне бозу, техник яктан төзек булмаган транспорт чарасы белән идарә итү.