Кукмарада социаль ипотека программасы буенча күпфатирлы йорт төзелә башлады
Йортны 2019 елның азагында куллануга тапшыру планлаштырыла.
Скопировать ссылку
(Кукмара, 11 апрель, "Татар-информ", "Хезмәт даны"). Кукмара шәһәренең Гафиатуллин урамында 21 фатирлы йорт төзү башланды. Бу хакта Татарстан Президенты каршындагы Дәүләт торак фонды хәбәр итә, дип яза район газетасы.
Бер подъездлы өч катлы торак йорт социаль ипотека программасы төзелә. Йортны 2019 елның азагында куллануга тапшыру планлаштырыла.
Йорт төзелешенең инвесторы - Татарстан Президенты каршындагы Дәүләт торак фонды. Техник заказчысы – "Татарстан Республикасының баш инвестиция-төзелеш идарәсе" дәүләт казна учреждениесе, подрядчысы – "Домострой" җаваплылыгы чикләнгән җәмгыять.