Җәмгыять 18 июнь 2019 22:00

Кукмарада сәламәтлек саклау өлкәсенең иң яхшы хезмәткәрләрен бүләкләделәр

Район Мәдәният йортында медицина хезмәткәрләренең бәйрәме булды.

Скопировать ссылку

(Кукмара, 18 июнь, "Татар-информ", "Хезмәт даны", Алсу Гатауллина). Кукмара районы Мәдәният йортында Медицина хезмәткәре көне уңаеннан концерт узды. Бу турыда kukmor-rt.ru сайтында хәбәр ителә.

Медицина хезмәткәрләрен һөнәри бәйрәмнәре белән район башлыгы урынбасары Равия Каримуллина, район үзәк дәваханәсенең баш табибы Равил Халиев, поликлиника мөдире Руслан Димитриев һәм башкалар котлады.

"Бу бәйрәм медицина хезмәткәренә генә түгел, ә бөтен халык өчен дә әһәмиятле. Чөнки кеше дөньяга килүнең беренче көннәреннән үк табибларның игътибары һәм кайгыртучанлыгы белән әйләндереп алынган. Бу тормышта кешеләргә сәламәтлек, тулы канлы тормыш шатлыгы бүләк итү, авыр газапларын җиңеләйтүдән дә гуманлырак һәм әһәмиятлерәк максат була алмый", - диде район үзәк дәваханәсенең баш табибы Равил Халиев.

Тантаналы чарада сәламәтлек саклау өлкәсенең иң яхшы хезмәткәрләренә намуслы хезмәтләре өчен мактау грамоталары һәм рәхмәт хатлары тапшырылды.

#Кукмара #Хезмәт даны

Сәхифәләр

Кукмарада сәламәтлек саклау өлкәсенең иң яхшы хезмәткәрләрен бүләкләделәр