Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмарада район башлыгы Кубогына өстәл теннисы буенча ярышлар үткәрелде
Анда районның 30 мәктәбеннән 150дән артык кеше катнашты.
(Кукмара, 21 март, "Татар-информ", "Хезмәт даны"). "Зилант" спорткомплексында район башлыгы Кубогына команда беренчелегенә тәүге тапкыр өстәл теннисы буенча ярышлар үткәрелде, дип яза kukmor-rt.ru сайты.
Ярышларга районның утыз мәктәбеннән 150дән артык катнашучы килгән, һәр команда составында бишәр кеше: укытучы, икешәр үсмер егет һәм кыз иде. Аларны район башлыгы Сергей Димитриев һәм районыбызның өстәл теннисы федерациясе президенты Ринат Ваһапов сәламләде.
Элгәре традиция буенча шәхси һәм шәхси-команда ярышлары үткәрелсә, бу юлы техник заявка нигезендә бер команда икенчесе белән кара-каршы, ягъни "маңгайга маңгай" очрашты. Һәр яңалык үзенчә кызыклы, ди катнашучылар. Беренче урынны Туембаш мәктәбе командасы яулады, икенче урынга - Зур Кукмара мәктәбе, өченче урынга Зур Сәрдек гимназиясе командалары чыкты. Җиңүчеләргә грамоталар һәм истәлек бүләкләре тапшырылды.
Кызыклы яңалыкларны күзәтеп бару өчен Телеграм-каналга язылыгыз