Кукмарада район башлыгы актив пенсионерлар белән очрашты
Сергей Димитриев очрашуга җыелган өлкәннәрне районның бүгенге социаль-икътисадый торышы һәм киләчәккә үсеше планнары белән таныштырды.
(Кукмара, 31 гыйнвар, "Татар-информ", "Хезмәт даны"). Кукмарада Иҗат академиясе бинасында район башлыгы Сергей Димитриевның ветераннар советы рәисләре һәм активистлары белән очрашуы булды. Бу турыда kukmor-rt.ru сайты яза.
Очрашуга җыелган өлкәннәрне ул районның бүгенге социаль-икътисадый торышы һәм киләчәккә үсеше планнары белән таныштырды.
Сергей Димитриев ветераннарга район үсешенә керткән өлешләре өчен рәхмәт белдерде. "Без эшебездә сезгә таянабыз, сезнең фикергә колак салабыз", - диде ул. Актив пенсионерларга Мактау грамоталары тапшырды.
Шулай ук район ветераннар советы рәисе Валентин Ивановның, Олыяз авыл җирлеге башлыгы Рамил Мәликовның, Зур Сәрдек авыл җирлеге ветераннар советы рәисенең Шәмил Закировның чыгышларын тыңладылар.