Кукмарада өстәл теннисы буенча «Район башлыгы кубогы»на беренчелек ярышлары булды
Скопировать ссылку
Кукмарада өстәл теннисы буенча «Район башлыгы кубогы»на район беренчелеге старт алды. Бүген «Барс Арена» спорт комплексында ярышларның беренче этабы узды. «Хезмәт даны» сайтында шул хакта хәбәр ителә.
«Ярышлар 7 этапта үтә. Декабрь аенда супер-финал була. Анда районнан теләге булган һәркем катнаша ала», — диде ярышлар судьясы Рөстәм Фәйзуллин.
Ярышларда 18 яшь һәм өлкәнрәк ир-егетләр, 18 яшькә кадәрге үсмерләр һәм кызлар, хатын-кызлар катнаша. Район башлыгы Сергей Димитриев та, башка еллардагы шикелле, ярышларның һәр этабында уйнаячак.