Кукмарада мөселман хатын-кызлары "Мөслимә" бәйгесендә ярышты
Бәйгедә катнашучылар Коръән сүрәләрен уку, артистлык осталыгын һәм башка сәләтләрен күрсәтте.
(Кукмара, 5 март, "Татар-информ", "Хезмәт даны"). Кукмара үзәк мәчетендә мөселман хатын-кызлары арасында "Мөслимә" бәйгесе үтте. Бу турыда kukmor-rt.ru сайтында хәбәр ителә.
Конкурста дүрт команда: Балтач районнан – "Хәят", Казаннан -"Нәсыйхәт", Мамадыштан - "Иман нуры" һәм "Кукмара мөслимәләре" командалары катнашты. Аларның чыгышларын һәм җавапларын мәдрәсә мөгаллимнәреннән һәм кунаклардан торган жюри бәяләде.
Бәйгедә катнашучылар Коръән сүрәләрен уку, артистлык осталыгын һәм башка сәләтләрен күрсәтте.
- Без бары тик уңай тәэсирләр алдык. Барлык командалар көчле, катнашучылар – талантлы. Бу бәйгедә катнашуыбызга шатбыз. Безне җылы кабул иткәннәре өчен рәхмәт, - дип уртаклашты фикерләре белән конкурска килгән мөслимәләр.