Җәмгыять 8 октябрь 2017 06:00

Кукмарада өлкәннәрне хөрмәтләделәр

Өлкәннәр көне уңаеннан оештырылган әлеге чара иҗат академиясендә үткәрелде.

Скопировать ссылку

(Кукмара, 8 октябрь, "Татар-информ", "Хезмәт даны"). Кукмарада өлкәннәрне хөрмәтләделәр. Өлкәннәр көне уңаеннан оештырылган әлеге чара иҗат академиясендә үткәрелде.Бәйрәмгә чакырылган бер төркем пенсионерлар иң элек ресурс үзәгендә, "Кыңгырау" балалар бакчасында булдылар. Экскурсия вакытында алар биредә башкарылган эшләр белән таныштылар, дип яза kukmor-rt.ru.

Аннан соң очрашу иҗат академиясендә дәвам итте. Кунакларны Татарстан Дәүләт Советы Рәисе урынбасары Римма Ратникова, район башлыгы Сергей Димитриев, район башлыгы урынбасары Равия Каримуллина, район ветераннар советы рәисе Мияссәр Мансуровлар бәйрәм белән тәбрикләп, аларга исәнлек-саулык, тән сихәтлеге, якыннарының кадер-хөрмәтен тоеп яшәүләрен теләделәр. Очрашу беренче гимназиядә әзерләнгән бәйрәм табыны артында дәвам итте.

#Кукмара #Хезмәт даны

Сәхифәләр

Кукмарада өлкәннәрне хөрмәтләделәр