Җәмгыять 9 май 2018 20:30

Кукмарада "Үлемсез полк" акциясе узды

Әби-бабайларын, туганнарын, якыннарын сугышта югалткан һәркем әлеге акциягә бик теләп кушылды.

Скопировать ссылку

(Кукмара, 9 май, "Татар-информ", "Хезмәт даны"). Илебезнең барлык төбәкләрендә узган "Үлемсез полк" акциясенә Кукмара халкы да бик теләп кушылды, дип яза kukmor-rt.ru сайты.

Әлеге акция кысаларында яшьләр оешмалары, мәктәп укучылары кулларына Бөек Ватан сугышы геройларының портретларын һәм чәчәкләр тотып, Җиңү паркына юл алды.

Аларга әби-бабайларын, туганнарын, якыннарын сугышта югалткан башкалар да бик теләп кушылды. Ил азатлыгы өчен шаһит киткән каһарманнарыбыз бүгенге бәйрәм көнендә шул рәвешле "сафка басты". Һәр портрет - үзе бер тарих, истәлек. Батырларның даны мәңгелек, күпме сулар акса да, алар турында хатирәләр халык күңеленнән җуелмыйча, буыннан буынга тапшырылып килер. Акциядә катнашучылар мәңгелек утка чәчәкләр куйдылар.

#Кукмара #Хезмәт даны

Сәхифәләр

Кукмарада "Үлемсез полк" акциясе узды