Фән һәм мәгариф 11 август 2017 08:00

Кукмарада өч балалар бакчасы төзекләндерелә

Нырья авылында исә 50 урынга исәпләнгән яңа бакча төзелә.

Скопировать ссылку

(Кукмара, 11 август, "Татар-информ", "Хезмәт даны"). Кукмара районының Вахит авылында һәм шәһәрнең "Салават күпере", "Кыңгырау" балалар бакчаларында капиталь төзекләндерү эшләре бара, дип яза kukmor-rt.ru сайты.

-Биналарның түбәләре, ишек-тәрәзәләре алыштырылды, су, канализация, җылылык системасы, электр челтәре тулысынча яңартылды, бүлмәләрдә косметик ремонтлар ясалды. Шулай ук шәһәребезнең һәм авыллардагы калган балалар бакчаларында да 1 сентябрьдә балаларны кабул итү өчен зур тырышлык куйдылар, - дип хәбәр итте район мәгариф идарәсе белгече Нурия Хаҗиева. – Нырья авылында быел 50 урынга исәпләнгән балалар бакчасы сафка басачак. Төзелеш эшләрен "Строй-Гарант" оешмасы хезмәткәрләре башкара. Эш ахырына якынлашып килә.

#Кукмара #Хезмәт даны

Сәхифәләр

Кукмарада өч балалар бакчасы төзекләндерелә