Авыл 16 октябрь 2018 23:00

Кукмара ветеринария табибы һөнәри бәйгедә өченче урынны алды

Илнур Исхаков 7 авылга хезмәт күрсәтә.

Скопировать ссылку

(Кукмара, 16 октябрь, "Татар-информ", "Хезмәт даны", Ризилә Корбанова). Күптән түгел Татарстанның ветеринария берләшмәләре һәм мал табиблары арасында һөнәри бәйге җиңүчеләре билгеләнде. Алар Татарстан Баш ветеринария идарәсенең 25 еллыгына багышланган тантаналы чарада бүләкләнде. Җиңүчеләр арасында Мәчкәрә участок пункты мөдире Илнур Исхаков та бар иде, ул "Иң яхшы участок ветеринария табибы" номинациясендә өченче урынны яулады, дип яза җирле басма.

Илнур - тумышы белән Мәмәшир авылы егете, хәзерге вакытта гаиләсе белән Тәмәйдә гомер кичерә. Ул Казан ветеринария институтын тәмамлаганнан соң, хезмәтен элеккеге "Үрнәк" хуҗалыгында ветеринария фельдшеры буларак башлап җибәрә. Ул елларда Мәмәширдә дуңгыз фермасы булган, ә Тәмәйдә сарыклар асраганнар. Илнур биредә сигез-тугыз ел эшләп калырга өлгерә, ә хуҗалык таркалганнан соң, төрле фермер хуҗалыкларда хезмәт куя. Мәчкәрә участок пунктына эшкә исә 2011 елда урнаша.

Кукмара участок ветеринария табибы Илнур Исхаков 7 авылга хезмәт күрсәтә.

#Кукмара #Хезмәт даны

Сәхифәләр

Кукмара ветеринария табибы һөнәри бәйгедә өченче урынны алды