Кукмара укучылары Казандагы "Россия – минем тарихым" дигән мультимедияле паркта булдылар
Балаларга 20нче гасыр экспозициясе тәкъдим ителде
Скопировать ссылку
(Кукмара, 4 гыйнвар, "Татар-информ", "Хезмәт даны"). Кышкы каникул вакытында 3нче урта мәктәпнең 7б hәм 8б укучылары сыйныф җитәкчеләре белән берлектә Казандагы "Россия – минем тарихым" дигән мультимедияле паркка сәяхәт кылдылар, дип яза kukmor-rt.ru сайты.
Икенче павильонда балаларга 20нче гасыр экспозициясе тәкъдим ителде. Яшь кукмаралылар интерактив экраннарда, сенсорлы өстәлләрдә hәм китапларда урнашкан ил тарихы белән таныштылар. Экскурсияче тарихи материалны тәртип белән, этаплап бәян итте. Балалар кызыксынып тыңладылар, викторинада катнаштылар.