Кукмара укучылары балалар һәм яшьләр сәнгате бәйгесендә дипломнар белән бүләкләнде
Кукмара балалар музыка мәктәбе укытучысы беренче дәрәҗә лауреат дипломы белән бүләкләнде.
(Кукмара, 12 апрель, "Татар-информ", "Хезмәт даны"). Кукмаралылар “Добрые традиции” фестиваленнән дипломнар белән кайттылар. Бу турыда җирле басма хәбәр итә.
Төбәкара “Добрые традиции” балалар һәм яшьләр сәнгате фестиваль-конкурсы Питрәч районы, Шәле авылында узды.
Әлеге бәйгедә вокал-соло номинациясендә Ралия Мифтахетдинова беренче дәрәҗә дипломант, “Җыр ансамбльләре” номинациясендә Кукмара балалар музыка мәктәбе һәм район Мәдәният йортында эшләп килүче балалар ансамбле икенче, район Мәдәният йортыннан “Бусинки” ансамбле өченче дәрәҗә лауреат булдылар.
Кукмара балалар музыка мәктәбе укытучысы Нияз Каримуллин “Вокал-соло” һәм “Авторлык әсәрләре” номинацияләрендә беренче дәрәҗә лауреат дипломы белән бүләкләнде.