Кукмара районының Байлангар авылында мәчет ачылды
Яңартылган мәчеттә өйлә намазы укылды.
Скопировать ссылку
(Кукмара, 13 сентябрь, “Татар-информ”, “Хезмәт даны”). Кукмара районының Байлангар авылында яңартылган мәчет ачу тантанасында мөхтәрәм кунаклар, авыл халкы, райондашлар катнашты, дип хәбәр итә kukmor-rt.ru сайты.
Авыл халкы һәм иганәчеләр көче белән яңа сулыш өрелгән мәчет, Корбан бәйрәме уңаеннан, зур бүләк булды. Тантанадан соң мәчеттә өйлә намазы да укылды. Аннары бәйрәм мәдәният йортында әзерләнгән чәй өстәле артында дәвам итте.
