Кукмара районында мохтаҗ пенсионерның өй түбәсе бушлай яңартылды
Әлеге эшне изге күңелле, олы йөрәкле хәйрияче башкарды, дип яза җирле ММЧ.
Скопировать ссылку
(Кукмара, 7 сентябрь, “Татар-информ”, “Хезмәт даны”, Алсу Идрисова). Кукмара районының “Тылсым” халыкка социаль хезмәт күрсәтү үзәге хезмәткәрләре “Шәфкатьлелек атнасы” кысаларында Түбән Үрәс авыл җирлегендә булып кайттылар, дип хәбәр итә kukmor-rt.ru сайты.
Иске Оча авылында яшәүче Рая Матвеева яши торган йортның түбәсе бик начар хәлдә, яңгырлы көннәрдә аннан су үтә иде. Пенсионер ханым минималь пенсия ала, өй түбәсен алыштыру аның хәленнән килерлек түгел. Рая Матвеевага бер райондашыбыз тарафыннан хәйриячелек ярдәме күрсәтелде: пенсионерның өй түбәсе калай белән ябылды, диелә район басмасы хәбәрендә.
