Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмара районында бишенче сабыйлары туган гаиләгә бүләк җыелмасы тапшырылды
Сабый гаиләдә бишенче бала булып туган.
(Кукмара, 22 гыйнвар, «Татар-информ», «Хезмәт даны»). Кукмараның Байлангар авылында яшәүче биш бала әнисе Алсу Нәбиевага бүләк җыелмасы бүләк ителде. Бүләкне аңа район үзәк дәваханәсенең бала тудыру бүлегеннән өйгә чыгарылган вакытта район башлыгы Сергей Димитриев тапшырды. Бу турыда район басмасы хәбәр итә.
«Гаиләгездә бүген сөенечле, зур вакыйга. Сезне ихластан әлеге көн белән тәбрик итәм. Балаларыгызның игелекләрен күреп, тигезлектә яшәгез, сәламәт булыгыз», — диде Сергей Димитриев.
Сәйдә — Байлангар авылында яшәүче Алсу һәм Рөстәм Нәбиевлар гаиләсендә бишенче сабый. Бәхетле әти-әнинең олы уллары Булатка — 11, Айзатка — 9, Салаватка — 6, Раянга 2 яшь.
Бүләк җыелмасы җан башына уртача керем яшәү минимумыннан артмаган, яңа туган балалары булган гаиләләргә бирелә.Анда комбинезон-трансформер, кечкенә мендәр-кокон, итек, балалар юрганы, подгузниклар, халат, сөлге, бала аслыклары, сабый өчен кием-салым, гигиена кирәк-яраклары тутырылган.
Быел Кукмара балалар тудыру бүлегендә 16 сабый дөньяга аваз салган.
«Демография» илкүләм проекты — 2019 елның гыйнварыннан Россия Президенты Владимир Путин инициативасы белән гамәлгә ашырыла торган 12 илкүләм проектның берсе.
Кызыклы яңалыкларны күзәтеп бару өчен Телеграм-каналга язылыгыз