Җәмгыять 7 август 2018 08:00

Кукмара районында авыл халкы көче белән уен мәйданчыгы ясалган

Анда батут, атынгыч һәм төрле уеннар өчен җиһазлар куелган.

Скопировать ссылку

(Кукмара, 7 август, "Татар-информ, "Хезмәт даны"). Шушы көннәрдә Зур Кукмараның Майская урамында балалар өчен уен мәйданчыгы ачылган. Аны ясауга шушы урамда яшәүче эшмәкәр Риф Шәмсетдинов һәм урам халкы бик күп көч куйган, дип яза kukmor-rt.ru сайты.

Иң элек урамдагы ташландык урын чүп-чардан чистартылып, анда ком, вак таш түшәлгән. Мәйданчыкның алгы өлешенә бетон җәелеп, шомартылган. Балаларга уйнарга батут, атынгыч һәм башкалар куелган.

"Уен мәйданчыгын ачу, чын мәгънәсендә урам бәйрәменә әверелде. Ул авыл үзешчәннәренең көче ярдәмендә әзерләнгән концерт программасы белән үрелеп барды, - дип хәбәр итте Зур Кукмара авыл җирлеге башлыгы Ришат Хәнәфиев. – Бәйрәм бик матур салют белән тәмамланды. Балаларны сөендереп, шундый изге эш башкарган Риф Шәмсетдиновка һәм урам халкына бик зур рәхмәт".

#Кукмара #Хезмәт даны

Сәхифәләр

Кукмара районында авыл халкы көче белән уен мәйданчыгы ясалган