Кукмара районында 700 квадрат метр мәйданда янгын чыккан
Балыклы авылы фермасында печән складына ут капкан.
Скопировать ссылку
(Казан, 6 ноябрь, «Татар-информ»). Кукмара районында печән складына ут капкан, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.
Балыклы авылы фермасында янгын чыгуы турындагы хәбәр 112 ашыгыч хезмәтләрне бердәм чакыру номерына узган төндә 00.31 сәгатьтә килә.
Хәвеф урынына 117нче янгын-коткару часте, «Урал» ирекле янгын сүндерү отряды, полицейскийлар һәм электр челтәрләре оешмасы хезмәткәрләре килә.
Янгында беркем дә зыян күрми.
