Кукмара районында 136 пенсионер диспансерлаштыру узган
Ел азагына хәтле кимендә 763 кешене тикшеренү өчен дәваханәгә алып килү планлаштырыла.
Скопировать ссылку
(Кукмара, 27 сентябрь, "Татар-информ", "Хезмәт даны"). Кукмара районында "Демография" илкүләм проектының "Өлкән буын" проектын гамәлгә ашыру кысаларында, авыл җирендә яшәүче 65 яшьтән өлкәнрәк кешеләрне район медицина оешмаларына алып килә башладылар. Бу турыда район басмасы хәбәр итә.
Алар сентябрь аеннан диспансеризация, профилактик тикшерүләр, скрининглар узалар.
Агымдагы чорда диспансерлаштыруны Зур Кукмара, Лельвиж, Ош.Юмья, Манзарас, Мәмәшир, Пычак авыл җирлекләрендә яшәүче 65 яшьтән узган 136 пенсионер узды. Ел азагына хәтле кимендә 763 кешене тикшеренү өчен поликлиникага алып килү планлаштырыла.