Җәмгыять 30 август 2017 07:30

Кукмара районы прокуроры конкурс җиңүчеләрен тәбрикләде

Укучыларның хезмәтләре "Прокуратура - коррупциягә каршы" дигән темага иде.

Скопировать ссылку

(Кукмара, 30 август, "Татар-информ", "Хезмәт даны"). Кукмара районы прокуроры Ришат Шакиров "Яңа караш" социаль реклама Бөтенроссия яшьләр конкурсының район этабы җиңүчеләрен тәбрикләде. Укучылар үзләренең хезмәтләре белән "Социаль плакат" номинациясендә катнашканнар һәм "Прокуратура - коррупциягә каршы" дигән темага багышлап әзерләгәннәр, дип яза kukmor-rt.ru сайты.

Зур Кукмара урта мәктәбенең 11 сыйныф укучысы Рузинә Галимҗанова беренче урынны алды. Күппрофильле лицейның чыгарылыш укучылары Гөлназ Кәримова һәм Алина Ивановалар икенче-өченче урыннарны бүлеште. Кызларның җитәкчеләре - Кукмара балалар сәнгать мәктәбенең рәсем сәнгате бүлеге укытучысы Ләйлә Низамова.

-Кызларның хезмәтләре бәйгенең Бөтенроссия турына җибәрелә. Шулай ук безнең район өчен танылган җырчы Радик Юльякшин да катнашачак. Ул шулай ук "Прокуратура - коррупциягә каршы" дигән темага видоролик әзерли һәм конкурска юллый. Катнашуыгыз өчен зур рәхмәт, алга таба да уңышлар юлдаш булсны, - диде прокурор Ришат Шакиров, бүләкләүләр соңында.

#Кукмара #Хезмәт даны

Сәхифәләр

Кукмара районы прокуроры конкурс җиңүчеләрен тәбрикләде