Җәмгыять 28 ноябрь 2017 22:00

Кукмара район хәрби комиссариатында чакыру комиссиясе эшләде

Көзге чакырылышта районнан 80нән артык егете армия хезмәтенә алыначак.

Скопировать ссылку

(Кукмара, 28 ноябрь, "Татар-информ", "Хезмәт даны"). Кукмара район хәрби комиссариатында чакыру комиссиясе эшләде. Көзге чакырылышта Кукмара районыннан 80нән артык егете армия хезмәтенә алыначак.

Сәламәтлеге яхшы, хәрби хезмәт узарга яраклы, дип табылган егетләре Россиянең төрле хәрби частьларына җибәреләчәкләр. Армиягә баручыларның күбесе урта һәм югары һөнәри белемле, "В", "С" категорияләре буенча автомәктәптә укып, транспорт йөртү таныклыгы алган, дип яза kukmor-rt.ru сайты.

Кукмара районы башлыгы урынбасары Равия Каримуллина җитәкчелегендәге комиссия 30лап булачак солдат белән аралашты. Егетләрнең кайда белем алулары, киләчәккә планнары, гаилә хәлләре, тәртип мәсьәләсе – берсе дә комиссия вәкилләренең игътибарыннан читтә калмады.

#Кукмара #Хезмәт даны

Сәхифәләр

Кукмара район хәрби комиссариатында чакыру комиссиясе эшләде